موضوع: سيــد البلد X الوصيفاب ... سجال على مر الزمان السبت يناير 08, 2011 9:19 pm
حلاقة مصطفى النقر
اللاعب الأنيق النقر كان دائما ما يتهندم ويظبط نفسه قبل القاءات الكبيرة وكان يقوم بالحلاقة وقص شعر الكثيف في صالون فندق السودان الشهير والصحفي ابوشنب كتب قبل لقاء الهلال والمريخ أن مصطفى النقر كلما يقوم بحلاقة شعره في فندق السودان يأتي ويحرز هدف ويفوز الهلال ... يقول النقر ذهبت كالعادة لفندق السودان وتفاجأ بوجود معسكر للمريخ بالفندق وقابله بعض اللاعبين ومدلك الفريق وحياه ثم دخل النقر وحلق رأسه وخرج اثناء المباراة والمريخ متقدم بهدفين لهدف وباقي من الزمن دقائق قليلة ..قال انطلقت بالكرة من الطرف اليمين واذا بكمال عبد الغني يتدخل معه حتى ان النقر وقع أمام كنبة احتياطي المريخ .. وعندما حاول النهوض .. نظر إليه المدلك عمر عبد اللطيف وقال له (( تاني عشان تمشي تحلق في فندق السودان أهو حلقنا ليك هنا )) وبعد لحظات نفس الكرة التي خرجت للآوات لعبها جعفر عبد الرازق للنقر فأسكنها النقر الشباك كهدف تعادلي في الزمن القاتل !! النقر من شدة الفرحة قال بدل ما يمشى زي كل مرة لجمهور الهلال .. جرى لاحتياطي المريخ ووقف امام المدلك عمر وهي يعمل الكية بيديه لعمر (( بحلق ..بحلق .. بحلق ..))
دبلة النقر وحامد بريمة
عندما شارك منتخبنا الوطنبي في دورة شرق ووسط افريقيا عام 79 وكانت حالة الفريق سيئة جدا ونتائجها مخيبة وكان الفريق طيش المنتخبات ونال هزيمة مرة من تنزانيا 4/0 بقيادة المدرب هاشم ضيف الله رحمه الله بعد المباراة النقر فقد خاتم الدبلة اثناء المباراة فذهب بعض اللاعبين للاستاد للبحث عن الدبلة في اليوم التالي حامد بريمة والجيلي عبد الخير والنقر وهواري واثناء البحث في الميدان ... النقر والجيلي ذهبوا لمنطقة الجزاء للبحث عن الدبلة .. هنا صاح فيهم حامد بريمية ... هوي يا جماعة انتو بتفتشو الدبلة وين ؟! تعالو فتشو هنا في نص الميدان وانتو اصلا دخلتو خط تمنتاشر عشان تفتشو في الصندوق ؟! هنا ضحك الجميع من طرفة بريمة
كابتن منقستو
منقستو يقول أنه بسبب هلال مريخ كاد ان تنتهي مسيرته في الملاعب لولا توفيق الله وثم قوة ارادته منقستو في اول مباراة يلعبها في القمة احرز هدف قاتل .. لكنه هدف عكسي ...!! قال رجعت الكورة للحارس عبد المعطي ضعيفة وفجأة طلع عصام الدحيش زي الشيطان وخطف الكرة واحرز هدف المريخ لتنتهي عليه المباراة قال تاني يوم عندهم تمرين للمنتخب .. وكلما يمسك منقستو الكرة .. يسمع صيحات حماد بريمة وطارق وسكسك .. قرش يا منقا ..قرش يا منقا .. قرش يا منقا .. !! واثناء تمرين المنتخب حضر للملعب عصام الدحيش عندها هاجت جماهير المريخ ... العريس جاء العريس جاء الدحيش جاء يا منقا ما ترجا وتحول تمرين المنتخب لمناكفات هلاريخية ... عندها قام مدرب المنتخب سيد سليم بإلغاء تمرين المنتخب بسبب منقستو وعصام الدحيش !
الله الهلال الوطن
عدد المساهمات : 115 تاريخ التسجيل : 07/01/2011
موضوع: رد: سيــد البلد X الوصيفاب ... سجال على مر الزمان السبت يناير 08, 2011 9:34 pm
الله الهلال الوطن
عدد المساهمات : 115 تاريخ التسجيل : 07/01/2011
موضوع: رد: سيــد البلد X الوصيفاب ... سجال على مر الزمان السبت يناير 08, 2011 9:37 pm
و الله اكان جمال الوالي زاتو ينزل الميدان مريخكم مااااااااااااا ساير
الله الهلال الوطن
عدد المساهمات : 115 تاريخ التسجيل : 07/01/2011
موضوع: رد: سيــد البلد X الوصيفاب ... سجال على مر الزمان السبت يناير 08, 2011 9:45 pm
نواصل الطرائف الهلاخابية...
عشرة آلاف جنيه حافز
ومن الطرائف بتاعة الحوافز في المريخ مرة الحاج شاخور ادي جاد الله مبلغ عشرة جنيه كحافز له فقال له جاد الله دي افكها يا ريس ؟! فقام شاخور ضحك وقال لجاد الله لا لا يا اخوي شيلها كلو كلو
ود الشايقي
يحكي لاعب المريخ الخطير ود الشايقي عن أول مباراة له خارجية مع المنتخب في واحدة من الدول الأفريقية .. وود الشايقي طبعا بيلعب باك شمال وكان أخطر لاعب في الفريق الأفريقي ( الوينق اليمين ) .. قال لما فيني شئ محاورة وشئ قياس ويشوت وحارس المنتخب سبت دودو يشيل وينفض في الكورة لما فنيلته لونها إتغير .. المهم قال بعد الشوط الاول إنتهى شايف سبت بينقنق مع واحد من المدافعين ويرفع في يديهو وصاري وشو .. قال قلت أخفف عليهو مشيت ليهو قلت ليهو يا كابتن سبت طبعا أنا دي أول مباراة لي ألعبها مع المنتخب والزول اللاعب قصادي ده أخطر لاعب في الفريق .. عشان كدا أنصحني أعمل شنو ؟؟؟؟ قال سبت قال ليهو داير تسمع نصيحتي ؟ ود الشايقي قال قلت ليهو أيوة .. قال سبت قاليهو أنصحك شوف ليك شغلة غير الكورة دي
خضر الكوري و زغبير
خضر الكوري عبارة عن سلة متحركة من الطرف وصاحب قلب ابيض وكبير رجل لا يعرف غير الحب ويقول أنه لا يستطيع أن يعيش بدون حب الهلال والمريخ بمعنى لا هلال بدون مريخ ويحكي قصص وطرائف مع شقيقه الاصغر لاعب المريخ فيصل الكوري!! من طرائف ومقالب خضر الكوري يقول لاعب المريخ الفذ جاد الله قال كان عبارة عن قاطرة بشرية ونحن في الدفاع لا هم لنا دائما غير جاد الله او كمال عبدالوهاب وكان جاد الله كثير المزاح مع زغبير لدرجة لا توصف اثناء مباراة هلال مريخ وفريق الهلال كان متقدم بهدفين وقبل المباراة كالعادة في الحي وفي المطعم ندخل في تحدي كبير مع بعض وكنا قد تحدينا جاد الله انا وزغبير والضب !! بعد أن لعب الهلال مباراة كبيرة وتقدمنا بهدفين وقبل نهاية المباراة بقليل وبعد ان ضمنا المباراة يقول طلب مني زغير ومن الضب بأن نفتح كوبري لجاد الله إذا دخل خط التمنتاشر وقال افتحوا ليه وسيبو الباقي علي !! وبالفعل اول ما جا دالله استلم الكورة وتقدم قابله الضب ولم يتدخل ومر قليلا ثم قابله الكوري ولم يقترب منه هنا وجد نفسه وجهاً لوجه من زغبير !!!!!!!!!!!! يحكي لي الكوري وهو يدمع من شدة الضحك تصور جاد الله حس بأن الموضوع غير طبيعي كيف يمر بسهولة من ترسانة الكوري والضب وهم يتفرجون عليه وفي لحظات عرف ان الأمر ما هو إلا مقلب من الجماعة وبدلا من يدخل الكرة في الشبكة ساب الكورة وقام جاري من زغبير !!! ولحق الكوري وقال ليه عملتها ياجبان ؟! تفتح لي عايز تضيعني مع زغبير
الله الهلال الوطن
عدد المساهمات : 115 تاريخ التسجيل : 07/01/2011
موضوع: رد: سيــد البلد X الوصيفاب ... سجال على مر الزمان السبت يناير 08, 2011 10:19 pm
كابتن بشارة
من طرائف الكوري مع كابتن بشارة قال بشارة كان يرعب المدافعين ولا ينفع معه إلا الضرب نسبة لقوة جسمانه وطوله وكان معنا لاعب جديد في الهلال اسمه عثمان جلال وجاي من البلد جديد من شندي وقام عثمان ضرب بشارة ضربة قوية من الخلف نهض بشارة لكنه لا يعلم من الذي ضربه عثمان ام شواطين او الكوري لكنه حلف ما يخليه .. قال والله الليلة ما اسيبكم .. منو الضربني دا ..منو الضربني ؟! فجأة بشارة سمع عثمان يقول ليه أنا الضربتك عايز شنو ؟! رد بشارة بسرعة وسأل الكوري دا كمان جبتو من وين ؟! هنا اقترب الكوري من بشارة وهو يضحك .. اسمع دا جاي من البلد .. شارب لبن وبينوم بدري .. أحسن ليك ابعد منو
خور النقر
في مدافع باك شمال للمريخ اسمو خورشيد و كان الفاتح النقر جناح الهلال اليمين مجننوا ليك بالمشاوير و كسح نضيف قامت جماهير الهلال سموهو خور النقر
هدف صبحي
صبحي لاعب الهلال أحرز هدفا تاريخيا في مرمى الزمالك و حتى اليوم يعتبر هذا الهدف من أشهر الاهداف (قبال ما ناس كورونقو ديل يعرفو يشوتو ) .. المهم ناس التلفزيون في اي برنامج رياضة يعيدو ليك الهدف ..اي برنامج رياضي لازم هدف صبحي يكون حاضر ... المهم قال قال ليو صاحبو .... و الله يا صبحي من كترت الاعادة بتاعت قونك دا خايف بعد كم يوم يطلع اووت
الله الهلال الوطن
عدد المساهمات : 115 تاريخ التسجيل : 07/01/2011
موضوع: رد: سيــد البلد X الوصيفاب ... سجال على مر الزمان السبت يناير 08, 2011 10:29 pm
الله الهلال الوطن
عدد المساهمات : 115 تاريخ التسجيل : 07/01/2011
موضوع: رد: سيــد البلد X الوصيفاب ... سجال على مر الزمان السبت يناير 08, 2011 10:44 pm
ابشر هييييع
الله الهلال الوطن
عدد المساهمات : 115 تاريخ التسجيل : 07/01/2011
موضوع: رد: سيــد البلد X الوصيفاب ... سجال على مر الزمان السبت يناير 08, 2011 11:01 pm
نواصل...
سليمان فارس و فوزي المرضي
جمعت القمة مباراة حامية وثأرية في منافسةالدوري المحلي ويومها كان هجوم المريخ بعبعاً مخيفاً لكل دفاعات الفرق الأخرى بما فيهاالهلال نفسه ... وقبل وضع الخطة والتشكيلة الخاصة بفريق الهلال حذر المدرب سليمان فارس دفاع الهلال تحذيراً شديد اللهجة من جعل هجوم المريخ يرتاح حين استلام الكرة وخاصة المهاجمين كمال عبد الوهاب وجاد الله خير السيد وحين حديثه عن اللاعبين كمال وجاد الله كان ينظر بصورة واضحة للاعب فوزي المرضي ... وحين انتهاء حديثه قال لفوزي: (شوف يا فوزي انت سبب انتصارنا اليوم أو هزيمتنا لازم تنفذ الخطة يا فوزي بالحرف الواحد) ... وبدأت المباراة وظل فوزي لصيقاً بكمال عبد الوهاب الذي تضايق كثيراً من رقابة فوزي وفي إحدى الكرات المشتركة بينهما تمكن فوزي من استخلاصها وصاح المدرب سليمان فارس (تمام يا ولد واصل يا فوزي) ولكن تأتي الرياح بما لا تشتهي السفن إذ استلم كمال الكرة وواجه فوزي وحينها صاح سليمان فارس (لو مرّ منك ح أشطبك)وحين سماع فوزي لعبارة سليمان فارس أمسك بكمال ليعلن الحكم عن مخالفة واضحة ... وبعدها أحرز الهلال هدفين لتنتهي المباراة بفوز الهلال وبعد المباراة صاح سليمان في وجه فوزي (تعرف يا كابتن لو انهزمنا كنت ح أفتح فيك بلاغ وأشطبك من التيم).
عيسي دهب وضربة الجزاء
الهلال كان لاعب ضد الاهلي الخرطوم ايام ناس عوض جولط ودقدق وابراهيم كبير ، الاهلي كان (يتلتل) ، الكورة مستمرة درون وفي الخمسة دقائق الاخيرة ، الحكم احتسب ضربة جزاء لصالح الهلال لاعاقة جكسا ، وهجوم الهلال فيه جكسا ، شاويش ، صديق محمد احمد وهناك ديم و ود الاشول وابراهيم يحي وعيسي دهب .... عيسى مستواه في المباراة ما كان كويس اصر عيسي على لعب ضربة الجزاء وكانت في المرمي الجنوبي، كل الاستاد وقف على حيلو، عيسي دهب رجع عشرة خطوات وارسل الكورة (للكشافات) .... الجماهير سخطت على الفريق وصبت جام غضبها على عيسي دهب ، عيسي دهب وصل غرفة اللاعبين وفنيلته مشرطة ووشه وارم. في غرفة اللاعبين واحد مشجع مرضان صار يسب ويشتم في عيسي ويقول للادارة يا اخوانا قلنا ليكم اشطبوا .. ده.... عيسي في الوقت ده كان وراه وسمع كل الاساءة ، لمن المشجع اتلفت عليه راح قاشطو ليك بونية رماه تحت التربيزة ، المشجع وهو راقد قال ليه لكن يا عيسي ما مرضتنا لكن
كانون الكاميروني
فى نهاية السبعينات وفى تصفيات الانديه الافريقيه انهزم المريخ 2 صفر من كانون الكامرونى ذهابا وفاز ايابا 2/1 بالخرطوم بهدفى سامى وعمار وخرج من المنافسه .بعد المباراه حمل جماهير الهلال كوانين الفحم امام بوابة الاستاد استفزازا للمريخ وتشجيعا لكانون
وجبة سمك
يحكى سليمان عبد القادر يوم مباراة الهلال والمريخ كان معه عز الدين الدحيش معزوم وجبة سمك وبعد الغداء تحرك كل واحد منهم الى فريقه واثناء المباراه حدث احتكاك بين اللاعبين فقال له الدحيش امشى عامل بيتكم الضيق وريحتو كلها سمك
الاخوان كورى
ومن طرائف الأخوان كورى يحكى كوري الكبير هذه الطرفة..
قال ,كانت الوالدة تقف بيننا وترفع يديها وتدعوا الله وتقول
يا ربي أولادي الاثنين يجو غالبين !!!!!!!!!!!!
الله الهلال الوطن
عدد المساهمات : 115 تاريخ التسجيل : 07/01/2011
موضوع: رد: سيــد البلد X الوصيفاب ... سجال على مر الزمان السبت يناير 08, 2011 11:15 pm
ضربة جزاء تسلل!!
قال ليك الهلال مغلوب من المريخ 1/0 من ضربة جزاء الراجل هلالابي مش البيت مولع نار .. رقد في السرير بدون كلام وقال ما عايز يتعشا زوجته حاولت تهديه قالت ليه ولا يهمكم مزعل روحك في شنو ؟ شوف عيني القون كان من تسلل واااااااضح !!
راس سانتو الذهبية
المباراة كانت مولعة بين الهلال والمريخ والضرب للركب بين سانتو وخضر الكوري وفوزي وبين كمال عبد الوهاب وجكسا وقاقارين المدرب قال للمدافع اوع تفارق سانتو دا يشرب موية تشرب معاه وفجأة قال ليك كورة مرفوعة من سلمان سانتو قفذ عالي جدا وسجل هدف بالرأس بعد المباراة الجماعة ما خلو للمدافع جنبة يرقد عليها فكيتو ليه .. مشيت خليتو ليه .. ما قلنا ليك خليك في كدارتو ؟! لمن زهج ليك منهم قال ليهم اسمعو هنا على الطلاق أنا الزول دا ناطي معاه لغاية ما شايف الكمساري بيقطع في التذاكر جو الباص !!! تاني أسوي ليكم شنو هو كان عامل رقبتو زي الزرافة ؟!
من نوادر سانتو ايضاً
قال أنه كان خفيف وسريع الحركة وكان دائما ما يراوغ المدافعين وحتى زملاءه في المريخ اثناء التمارين قال اول ما جا من مدني قال لميت في سلمان ابوداؤود وقال اديتو جبده باليمين وجيت راجع ليه تاني واديتو واحدة بالشمال لغاية ما رقد في الارض قال ابوداود وهو راقد رفع راسه وعاين لسانتو وقال ليه هووووووووي يا عب .. تاني ما تعمل لي كدا !!!!!
علي الطلاق ما ترجع تاني
قله لاعب المريخ السابق كان راجل لعاب وبحاورك في الزقاق لم كان بلعب في مدني في الروابط كان لاعب ضد فريق بعدين الفريق ده رئيسه صعب جدا بقعد مع اللاعبين والمدرب في كنبه الاحتياطي عشان اكشف من قريب اها الكوره مسخنه قام قله قلب ليك الباك بتاع الفريق الثاني مره ومرتين اها زولك داير اقش قله وقله سحب ليك منو الكوره لما جاء واقع تحت كنبه الاحتياطي اها الباك داير اقوم ارجع رئيس النادي طوالي خت ليك ليهو العصايه في ضهرو قال ليهو علي الطلاق ماترجع تاني
الله الهلال الوطن
عدد المساهمات : 115 تاريخ التسجيل : 07/01/2011
موضوع: رد: سيــد البلد X الوصيفاب ... سجال على مر الزمان السبت يناير 08, 2011 11:34 pm
نجوم الزمن الجميل من الفريقين
الهادي محمد علي ادريس Admin
عدد المساهمات : 252 تاريخ التسجيل : 19/10/2010
موضوع: رد: سيــد البلد X الوصيفاب ... سجال على مر الزمان الأحد يناير 09, 2011 1:10 pm
تسلم شديد ياملك
رجعتنا للرزمن الجميل سانتو وكمال عبد الوهاب
قاقا والدحيش
الكوري اخوان
سامي وحموري
والفذ لاعب الوسط بشارة
ياخوي جعل الله كل ايامك فرحة
وبالرغم من هلاليتك الصارخة فقد انصفت في مداخلاتك
فعلية احيي توجهك القومي
وفي ميزان حسناتك انشاء الله
صفاء امين ابوحراز
عدد المساهمات : 87 تاريخ التسجيل : 19/11/2010
موضوع: رد: سيــد البلد X الوصيفاب ... سجال على مر الزمان الأحد يناير 09, 2011 7:41 pm
اقتباس :
وبالرغم من هلاليتك الصارخة فقد انصفت في مداخلاتك
فعلية احيي توجهك القومي
اخونا ( الله الهلال الوطن )
البوست رائع مافي شك وتعجبني سياسة قدم الكيشة وحصلو
الله الهلال الوطن
عدد المساهمات : 115 تاريخ التسجيل : 07/01/2011
موضوع: رد: سيــد البلد X الوصيفاب ... سجال على مر الزمان الإثنين يناير 10, 2011 8:37 am
موضوع: سيــد البلد X الوصيفاب ... سجال على مر الزمان 
