تعالوا نجلس جلسة ودية

تعالوا نرتب الأحداث
ونجلس جلسة ودية
نكلم روحنا بصراحة
ونعاتب فيها براحة
ونهدي البسمة عيدية
... نشوف قصرنا كيف؟ ومتين؟
نشوف غلطاتنا جات من وين؟
نعالج كل عثراتنا
ونرسم خطة لي ذاتنا
وتبقي حياتنا جدية
نحاول ننسي كل الفات
ونصحب أسعد الأوقات
نسيب كل التشاؤم داك
ونكتب لي الأمل غنوات
وأحلام زاهية وردية
تعالوا نعمم الفكرة
شان ما نعود بعد فترة
ونلقي اليوم شبيه بكرة
وتبقي تعاسة أبدية
نقول بسم الله يا الله
وإنت وكيلنا يا الله
نسأل فيك يا الله
تسعد كل خلق الله
بلطفك إنت يا الله
سعادة وفرحة أبدية

والله دي مواهب مدفونه ماكنا عارفنها وكان بداية

نحن علي موعد بروضة حاج آخري

اقتباس :

تعالوا نرتب الأحداث

ونجلس جلسة ودية

نكلم روحنا بصراحة

ونعاتب فيها براحة

ونهدي البسمة عيدية

... نشوف قصرنا كيف؟ ومتين؟

نشوف غلطاتنا جات من وين؟

نعالج كل عثراتنا

ونرسم خطة لي ذاتنا

وتبقي حياتنا جدية

نحاول ننسي كل الفات

ونصحب أسعد الأوقات

نسيب كل التشاؤم داك

ونكتب لي الأمل غنوات

وأحلام زاهية وردية

تعالوا نعمم الفكرة

شان ما نعود بعد فترة

ونلقي اليوم شبيه بكرة

وتبقي تعاسة أبدية

نقول بسم الله يا الله

وإنت وكيلنا يا الله

نسأل فيك يا الله

تسعد كل خلق الله

بلطفك إنت يا الله

سعادة وفرحة أبدية

تعالوا نعمم الفكرة

و نقطف كل يوم زهرة

و لما يعود يوم بكرة

و يبقى الغد شبيه بكرة

نكون في سعادة ابدية