فوق أعلامك ومن بينات اكمامك تطلع شمس أعراسك

يا شعباً لهبك ثوريتك
************
كلمات محجوب شريف
فوق أعلامك
ومن بينات اكمامك
تطلع شمس أعراسك

يا شعباً لهبك ثوريتك
إنت تلقى مرادك والفى نيتك
وعمق احساسك بى حريتك
يبقى ملامح فى ذريتك

ماكَ هوين سهل قيادك
سّيد نفسك مين أسيادك؟
ديل أولادك
وديل أمجادك
ونيلك هيلك جري قدامك
تحت اقدامك
رجع صداك وسجع نحاسك
وانت نسيج الفدا هندامك
وانت نشيد الصبح كلامك
وعطر أنفاسك

أرفع صوتك هيبه وجبره
خلى نشيدك علي النبره
خلى جراح أولادك تبرا
كبروا مكان الضحكه العبره
إلاّ يقينهم فيك اتماسك
يا الإصرارك
سطراً سطراً مَلا كراسك


بلادي
****
كلمات د.على شبيكة

بلادي يا احلى نغم يابلادي،يا أغلى غرام ضماهو فؤادي

،يا مهرة عز وشموس وبوادي

اعيش واموت بي اسمك انادي

..عشقتا نخيلك ونيلك وليلك زي اولادي

وفيكي سهادي معنى ودادي وخيرك وزادي

،بلادي ياحرة يا اجمل درة يانور في جبين الدنيا وغرة

،الله معاك ونحنا فداكي تحي وتسلمي لي يا بلادي

،بلادي يا امي مناي تضمي رفاتي ودمي زي اجدادي

بلادي تنادي علي الحرية سماي مشاعل للوطنية

وارضي عزيزة وسودانية وارضي عزيزة وسودانية

واستشهادي فداك يا بلادي معنى وجودي ويوم ميلادي

افديك بالروح ياموطني
************
كلمات الشاعر حسين بازرعة

أفديك بالروح يا موطني
فأنت دمي و ما أغتني
بلادي أنا
ميراث اكرام و مجد العرب
و سفر كفاح روته الحقب
نسمت شذاها و طيب ثراها
و ذوب هواها جري في دمي
يعزز في السير من مقدمي
و أرضي هنا..
بناء جدودي و مأوي أبي
و تاريخ شعب كريم أبي
فيا إخوتي
لنمشي إلي النور في ثورة
نحطم قيد الليالي العتي
فنحن الفدا جنود الردا
نعيش عليها و نفني لها
ونحمي حماها ومشعلها


أمة الأمجاد
*******
أمتى يا أمة الأمجاد والماضى العريق
يا نشيدا فى دمى يحيا ويجرى فى عروقى
أذن الفجر الذى شق الدياجى بالشروق
وطريق النصر قد لاح فسيرى فى الطريق
قبلة الأنظار يا أرض الهدى والحق كنت
ومنارا فى دجى الأيام للعالم عشت
أنت مهد النور .. مهد الفن والعرفان أنت
وستبقين ويبقى لك منا ما أردت
لا تبالى إن أساء الدهر يوما لا تبالى
قد صحونا لأمانينا .. صحونا لليالى
لك يا أرض البطولات ويا أم الرجال
ترخٌص الأرواح فى يوم الفدى يوم النضال
للغد المشرق يندى بالأمانى والعطور
أمتى .. سيرى إلى المجد و جدى فى المسير
حققى بالعمل البناء أحلام الدهور
و اصعدى بالعلم والأخلاق للنصر الكبير
اصعدى يا أرض أجدادى وأمى وأبى
اصعدى يا قلعة يحرسها كل أبى
اصعدى يا مشرق النور لأغلى مأرب
اصعدى للقمم الشماء فوق الشهب
أمتى يا أمة الأمجاد و الماضى العريق
يا نشيدا فى دمى يحيا ويجرى فى عروقى
أذن الفجر الذى شق الدياجى بشروق
وطريق النصر قد لاح فسيرى فى الطريق

فارس الحـديد
************

ما حرسو الجري صدرك موشح بالدمي
ما بخاف فارس الحديد إن حمي
يافارس الإلوف الانت كفيتن
وكبست الدروع وشلعت خوزاتن
فارسنا البخيت التم شكراتن
وصديت الخيول وقمحت ركباتن


من قومت الجهل ليهو الخوف ولا قسمو
متبون في المحافل في الجود كتر عشمو
تقدل فوق بكانن النحاس خلف شتمو
وركز البخيت راي النصر ختمو

من قومت الجهل الخوف ولو كارو
والهوي والشرق اتصنتو افعالو
العوق اب صفوف فالو البخيت شالو
مضروب في الوجن ولا جاني بشمالو


ماحضرو معاك اخوانك الصلاات
قفلو الخط علي خيلن بجن غايرات
تقدل فوق بٌكانً حرّابة مشتبكات
وجا مرهون وعلي جفونه الدمي سايلات


ما حضروا معاك اخوانك الديدان
جبدو الخط علي خيلاً بجن ريقان
وكت الشوف يشوف صدرك يزن بالهان
سوالن جهاد حمزة وعلي وعثمان


عزة في هواك
********
عزة في هواك عزة نحن الجبال
وللبخوض صفاك عزة نحن النبال
عزة ما بنوم الليل محال
وبحسب النجوم فوق الرحال
خلقه الزاد كمل وأنا حالي حال
متين أعود أشوف ظبياتنا الكحال
عزة ما سليت وطن الجمال
ولا ابتغيت بديل غير الكمال

* * *
وقلبي لي سواك ما شفتو مال
خذيني باليمين وأنا راقد شمال
عزة ما نسيت جنة بلال
وملعب الشباب تحت الظلال
ونحن كالزهور فوق التلال
نتشابي للنجوم وأنا ضافر الهلال
عزة جسمي صار زي الخلال
وحظي في الركاب صابه الكلال
وقلبي لسه ما عرف الملال
أظنه ود قبيل وكريم الخلال
عزة ما اشتهيت نوم الحجال
ولا السوار بكي في يمينا جال
وعزة في الفريق لي ضيق مجال
قبيلة بت قبيل ملأ الكون رجال

* * *
عزة شفت كيف نهض العيال
جددوا القديم تركوا الخيال
روحك أم سماح سري كالسيال
شجو الفؤاد حيوا محسور الليال
عزة في الفؤاد سحرك حلال
ونار هواك شفا وتيهك دلال
ودمعي في هواك حلو كالزلال
تزيدي كل يوم عظمة ازداد جلال
عزة في حذا الخرطوم قبال
وعزة من جنان شمبات حبال
وعزة لي ربوع أم در جبال
وعزة في الفؤاد دوا يشفى الوبال


عرس الفداء
*******
نلتقيك اليوم يا وطني .. لقاء الأوفيـاء
قــــد تـنـاديـنـا خِـفـافــاً
كطيور الريح فـي جـوف العتاميـر
يا أرض البطولات وميراث الحضارات
نُغـنـي الـيـوم عُــرس الـفـداء
هـا هنـا ..يبتسـم النهـر القـديـم
لبعانـخـي ولتهـراقـا وللمـهـدي
لـعــلــي عـبـدالـلـطـيـف
لعبدالقـادر الحَـبـوب ..للقـرشـي
لصمـود العُـرس فــي كــرري
وللـمـوت الـفـدائـي العـظـيـم
نذكـر الـيـوم جمـيـع الشـهـداء
كل من خطّ على التأريخ سطراً بالدماء
نذكـر الـيـوم جمـيـع الشـرفـاء
كل من صـاح فـي وجـه الظلـم لا
نحـن أبنـاؤكِ فـي الفـرح الجميـل
نحـن أبنـاؤكِ فـي الحُـزن النبيـل
سنغني لك يا وطني كما غنى الخليـل
مثـلـمـا غــنــت مـهـيــرة
تُلهـم الأجيـال جيـل بعـد جـيـل
ونغني لحريق المَكِ في قلـب الدخيـل
لـــلــــجــــســــارة
حينما استشهد في مدفعـه عبدالفضيـل
نُكحِل اليوم مآقينـا بمـرواد الصلابـة
وبإيـمـان كإيـمـان الصـحـابـة
ســـوف نُـفـديـك دوامــــا
ونــنــاديــك هُــيــامـــا
فلتعِـش حُـراً أبيـاً فــي مهـابـة


وطنا
*****
وطنا البإسمك كتبنا ورطنا
أحبك ..
أحبك مكانك صميم الفؤاد
وباسمك اغنى..
تغنى السواقى
خيوط الطواقى
سلام التلاقى
ودموع الفراق
واحبك ملاذ
وناسك عزاز
أحبك حقيقه..
وأحبك مجاز
وأحبك بتضحك
وأحبك عبوس
بعزة جبالك ترك الشموس
وما بين ظلالك
افتش وأكوس
أفتش طفولتى وملامح صباى
بناتك عيونن صفاهن سماى
وهيبة رجالك بتسند قفاى
أحبك بتضحك
واحبك عبوس
صحى بتملا عينى..
وتشّرف غناى

بحضرة جلالك..
يطيب الجلوس
مهذب أمامك يكون الكلام
لأنك محنك
عميق الدروس
مجيد المهابة
مديد القوام
شبابك تشابك
شديد الزحام
أراهم وراهم غبار الحياه
مداين تعاين
كأمّ العروس
تهلل تكلل جبين الإمام
رزازاً يبلل أغانى الخليل

أصدق كلامك حقيقه وبخاف
أخاف الطريق اللى ما بودى ليك
وأعاف الصديق اللى ما بهم بيك
معاك انتظارى ولو بالكفاف
وعنك بعيداً أبيت الرحيل
وبيك اعتزاز الصباح الجميل
جميع الأغانى اتكالن عليك
جميع الأغانى اتكالن عليك


بلدي يا حبوب
********
عشانك بكاك الريح
عشانك فؤادي جريح
عشانك أنا مقتول
وبموت معاك مقتول
عشانك يا حزن نبيل
عشانك يا حلم جميل
عشانك يا بلد
يا نيل
يا ليل
يا سمح يا زين
يا بلدي يا حبوب
أبو جلابية وتوب
سروال ومركوب
وجبة وسديري
وسيف سكين
يا سمح يا زين

يا وجه مليان غنا
مليان عشق وحنين
يا بنت يادوب
نهيداتا قايمين
شايلين تخا وفي رخا
شايلين بنات وبنين
يا سمح يا زين

يا آهة يا نمة
يا مدحة يا عمة
يا واحة في الصحراء
يا خصلة يا قمرة
يا بشارة يا بكرة
يا سمح يا زين

يا غابة قمحية
مشرورة فوق البلود
زي الصباحية
يا مزرعة باباي
غضبة الهبباي
يا نخلة مسقية
من ريق دبيشية
يا مقطعين دوباي
نازلين على الدنيا
أشواق وحنية
ياسمح يا زين

يا ليل ليل وليلية
يا نيل ونيلية
يا مرمي تحت الشمس
للقيلة ضلية
يا سحنة نوبية
يا كلمة عربية
يا وشمة زنجية
القومة ليك يا وطني
************
يا قمر دورين انا شفتك وين
طبعا في الليل و في ضفاير النيل
في رمال سهرانة و راجياك تسيل
في دموع الساقية يرنو ليها نخيل
في قلوب فرحانة عامرة بالتهليل
في عيون نعسانة غارقة في التكحيل
و كل ديل فى وطني بريدك (بحبك) يا وطني
شمس الصباح و الصباح رباح
شمسك يا وطني
طعم النجاح الزانو كفاح
طعمك يا وطني
حتى الجراح الزمانن راح
مهرك يا وطني
اهلي الفصاح اسياد الصلاح
درعك يا وطني
كل الملاح الجمالن فاح
زينتك يا وطني
انت عندي كبير و حبي ليك كتير
القوما ليك يا وطني
شيدوهو و زينوهو وطن الجمال
علوهو و خلوهو في عين المحال
و افدوهو و اهدوهو الروح و العيال
و ارعوهو و ابنوهو بعزم الرجال
باملنا بعملنا بالمحنة بي وفنى الفي دمانا
نبني جنة
و نبتهج نحن و صغارنا نتغنى
يا اصلنا و مبتدانا يا حلاة مسرح صبانا
و ذكرياتنا و مشتهانا
انت فينا كبير و ريدنا ليك كتير
القوما ليك يا وطني